InicioSucesosInterceptado un condutor que circulou 20km en sentido contrario pola A-6 e...

Interceptado un condutor que circulou 20km en sentido contrario pola A-6 e deu positivo en alcol

Outro conductor borracho tivo un accidente en Monterroso.

PUBLICADA O

- Advertisement -

A Garda Civil de Tráfico interceptou ao condutor dun vehículo que circulou varios quilómetros en sentido contrario da A-6. Foi localizado á altura de Guitiriz. Fontes deste corpo de seguridade confirmaron que o suceso tivo lugar sobre as 21 horas deste luns, ao incorporarse polo carril que vai sentido A Coruña para dirixirse sentido Lugo-Madrid.

A circulación produciuse entre os puntos 555 e 535 da A-6, polo que se prolongou uns 20 quilómetros ata que foi interceptado, alertadas as forzas de seguridade por outros condutores.

Cara á zona desprazáronse patrullas do Subsector de Tráfico da Coruña e deuse aviso ao Centro de Xestión de Tráfico, situado na Coruña e á Central Operativa de Servizos do Subsector de Tráfico de Lugo, posto que se dirixía a esa provincia.

Finalmente, o vehículo puido ser interceptado no quilómetro 535 da A-6, no termo municipal de Guitiriz por unha patrulla do Destacamento de Tráfico da Garda Civil de Vilalba, a cal conseguiu retirar da circulación o vehículo.

O condutor foi sometido ao control de alcoholemia arroxando taxas positivas. Ademais, está investigado por condución temeraria ao circular en sentido contrario e por superar as taxas de alcol establecidas, dilixencias que serán remitidas ao xulgado de garda competente.

A Garda Civil lembra que circular de forma temeraria manifesta está penado con entre seis e dous anos de cárcere e privación do carné de conducir entre un e seis anos.

OUTRO ACCIDENTE CON ALCOL POSITIVO

Doutra banda, o pasado domingo 26, sobre as 00.30 horas, rexistrouse un sinistro de circulación na carreta N-640, no termo municipal de Monterroso (Lugo). Consistiu nunha saída de vía por marxe esquerda.

Como consecuencia do sinistro, producíronse só danos materiais. Con todo, o condutor, un home de 35 anos e veciño de Monterroso, foi sometido á proba de alcoholemia e arroxou unha taxa positiva que cuadriplicaba a máxima permitida. Así, está investigado por un delito contra a seguridade viaria.  O equipo de atestados da Garda Civil de Tráfico de Monforte de Lemos instruíu as dilixencias policiais, que serán remitidas ao Xulgado de Garda de Chantada.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...