InicioSucesosUn total de dez persoas falecidas este ano en accidentes de tráfico...

Un total de dez persoas falecidas este ano en accidentes de tráfico en Lugo

Motoristas e persoas sen cinto representan o 40% dos mortos.

PUBLICADA O

- Advertisement -

O 20% das vítimas nas estradas galegas no que vai de ano, 13 das 68 vítimas rexistradas ata a data, non levaban cinto de seguridade, segundo expuxo a subdelegada do Goberno na Coruña, María Rivas, na lectura dun manifesto con motivo do Día Mundial en Recordo das Vítimas de Tráfico.

No acto, no que se procedeu á lectura dun manifesto coa presenza de representantes policiais, da Dirección Xeral de Tráfico (DXT) e da Asociación Stop Accidentes, incidiuse no número de vítimas nas estradas galegas, sete máis que no mesmo período de 2020, pero 13 menos que en 2019.

Por provincias, 27 das persoas falecidas foron na Coruña, 24 en Pontevedra, 10 na provincia de Lugo e 7 na de Ourense. Mentres, foron case un milleiro, en concreto 920, os accidentes con vítimas ata o 19 de novembro, tendo que ser hospitalizadas 386 persoas, 29 menos que en 2020.

EXCESO DE VELOCIDADE

A subdelegada do Goberno lembrou que 23 dos falecidos eran usuarios vulnerables, en concreto 13 motoristas, nove peóns e un ciclista, e cualificou de “intolerables” estas cifras. Ademais, subliñou que o exceso de velocidade estivo detrás do 30% dos accidentes rexistrados en Galicia.

“Hai unha clara relación entre velocidade e accidentalidade”, remarcou María Rivas, que apelou a non “relaxarse”. Así mesmo, avanzou que se manterán os controis sobre o consumo de alcol e drogas e tamén se fará unha campaña especial en Nadal.

Pola súa banda, a responsable da Dirección General de Tráfico (DGT) en Galicia, Vitoria Gómez, apelou ao uso do chaleco reflector en peóns ou das luces todo o día do vehículo para facilitar que poida verse por parte de usuarios vulnerables. Tamén aludiu a unha campaña “intensa” en decembro polo consumo de drogas e alcol, á vez que pediu aos condutores que garden a distancia de seguridade nas entradas á cidade para evitar accidentes.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...