O concello de Negueira de Muñiz rexistrou un incendio forestal, xa estabilizado, que queimou unhas 24 hectáreas, segundo informa a Consellería de Medio Rural. O lume, en concreto, segundo a información do departamento autonómico, localizouse na parroquia de San Pedro de Ernes. No seu control participaron tres axentes, once brigadas, catro motobombas, dúas pas, un tractor, tres helicópteros e dous avións.

Na provincia veciña, Ourense, rexistráronse dous incendios que levan arrasadas 27 hectáreas no concello de Padrende. Un deles está estabilizado e o outro baixo control.