Os servizos de extinción de incendios de Lugo sufocaron varios lumes no poboado do Carqueixo causados por queimas de electrodomésticos e pneumáticos.
Segundo informou a Policía Local, ás 23,10 horas deste mércores axentes de Policía de Barrio trasladáronse ao poboado do Carqueixo por un aviso de incendio.
Os axentes comprobaron que existían varios lumes, un deles no que queimaban varios electrodomésticos, como neveiras e lavadoras, e outro, a poucos metros, no que ardían pneumáticos.
Por iso, requiriuse a presenza do servizo de extinción de incendios, que enviou persoal en poucos minutos e procederon ao control e extinción dos lumes.
AUXILIOS
Tamén en Lugo ás 15,10 horas do mércores pasado axentes de Policía de Barrio acudiron a un domicilio da rúa San Froilán no cal unha muller caeu e non era capaz de levantarse “nin con axuda da súa parella”, sinalan fontes municipais.
Unha vez no lugar, os policías, tras comprobar que a muller “non manifesta ningunha doenza que requira asistencia sanitaria”, engaden as mesmas fontes, auxíliana para que poida levantarse.
