Axentes da Policía Nacional adscritos á Comisaría Provincial de Lugo, encargados da investigación dos delitos relacionados coas persoas, detiveron na capital luguesa a un home prófugo veciño da Coruña por ter cinco requisitorias de diferentes xulgados.

Segundo informou a Policía Nacional, o home era buscado por cinco xulgados distintos e impútanselle catro delitos diferentes e unha investigación de domicilio.

O arrestado é un home de 40 anos buscado pola Xustiza con cinco requisitorias dos anos 2015 a 2018 de xulgados de Lugo, Tarragona e A Coruña, puntualiza a Policía.

En concreto, a este individuo impútanselle delitos como roubo con violencia, roubo con forza nas cousas, tráfico de drogas e atentado a axente da autoridade. Froito de todo iso ingresou en prisión por orde da autoridade xudicial.