Un importante despregamento da Garda Civil realizou dende primeira hora deste martes unhas serie de rexistros e detencións en Lugo capital.

O operativo contou cun helicóptero e unidades de varias comandancias galegas, e segundo recolle GaliciaConfidencial, ten por obxectivo desarborar grupos adicados á delincuencia común na cidade.

Esta información apunta a que o instituto armado interviu no poboado xitano do Carqueixo, un dos focos da operación. Varias testemuñas certificaron a comparecencia de axentes da Garda Civil con pasamontañas e armamento pesado nas rúas Nazario Abel e Concello.

Seis persoas resultaron detidas por estar supostamente vencelladas a roubos con forza en vivendas de núcleos rurais e alpendres en diferentes vilas de Galicia.

A cobertura aérea que velaba polo axeitado desenvolvemento da intervención retirouse cara as 12.00 horas.

Segundo a fonte mencionada, é a comandancia da Coruña a que coordina o operativo no que interveñen tamén axentes da Garda Civil de Lugo. Un xulgado da provincia da Coruña realiza as dilixencias.