InicioSucesosOito persoas denunciadas por unha festa ilegal e negarlle a entrada á...

Oito persoas denunciadas por unha festa ilegal e negarlle a entrada á Policía Local

Os axentes identificaron ao responsable, ao que requiriron que cesase as molestias, o que fixo ao instante, destacaron as mesmas fontes policiais.

PUBLICADA O

A Policía Local de Lugo denunciou aos participantes nunha festa cunhas oito persoas non conviventes, que negaron aos axentes desprazados a entrada na vivenda na que se celebraba, polo que os esperaron á saída.
Segundo relatou a Policía Local, sobre as 20,30 horas do pasado 19 de maio unha patrulla da Unidade Territorial de Policía de Barrio foi enviada a un edificio da rúa Montirón porque veciños denunciaron a existencia dunha festa nunha vivenda.
Os axentes identificaron ao responsable, ao que requiriron que cesase as molestias, o que fixo ao instante, destacaron as mesmas fontes policiais. Ás 22,45 horas do mesmo día veciños dese inmoble volveron requirir a presenza policial porque se iniciou outra vez a festa no mesmo domicilio.
Os axentes comprobaron que se escoitaba volume “moi elevado de música”, acompañado “de voces e palmas”, engadiron as mesmas fontes. Os axentes foron informados polo propietario de que no interior había oito persoas, algunhas delas non conviventes, que negaron a entrada aos policías ao domicilio.
Por iso, os axentes fixeron, destacaron as mesmas fontes, “unha espera” no exterior do edificio ata que saíron varias persoas que foron identificadas e denunciadas por infracción á Lei de Saúde de Galicia con proposta de sanción de 500 euros cada unha por incumprir as medidas establecidas na reunión de non conviventes –catro máximo–.
Así mesmo, o responsable da festa foi proposto para sanción por non colaborar cos axentes da autoridade por infracción grave á Lei de Saúde de Galicia e tramitouse acta de denuncia por infracción á ordenanza de protección ambiental.
RUÍDOS MOLESTOS
Por outra banda, sobre as 1,20 horas do pasado 20 de maio recibiuse chamada na Sala do 092 na que veciños dun inmoble da rúa Bolaño Ribadeneira denunciaron “ruídos molestos”, destacou a Policía Local, que procedían dunha vivenda.
Os axentes comprobaron que se escoitaba volume elevado de música e voces de persoas en ton alto, polo que procederon á identificación da persoa responsable, quen manifestou que non eran conscientes da molestias que ocasionaban, que cesaron ao instante. Os policías tramitaron acta de denuncia por infracción á ordenanza de protección ambiental.

ÚLTIMAS

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

As vilas termais enxalzan en Guitiriz o potencial de Galicia, “principal destino termal de España”

A localidade luguesa de Guitiriz reuniu ás principais vilas termais galegas, que reivindicaron o...