EFE | Un home de 37 anos enfróntase a sancións por tres infraccións por transitar sen máscara, incumprir o toque de queda e desobedecer os axentes da Policía Local de Lugo, quen lle lembraron a obriga de ir en todo momento coa boca e o nariz cubertos pola máscara. Con todo, o home contestou: “Non quero, multádeme se queredes. Dáme igual O virus non existe”.
Esa é a resposta que consta no parte de servizos efectuado por este corpo correspondente aos días 1 e 2 de xaneiro. No comunicado especifícase que esta persoa se enfronta a unha multa de 100 euros por ir sen a máscara, entre 601 e 30.000 por vagar pasadas as once da noite sen causa xustificada e a outra cantidade similar, entre 601 euros e 30.000, pola falta de respecto aos efectivos que se dirixiron a el.
OUTRAS DENUNCIAS
Os axentes tamén levantaron neste período 22 actas de denuncia por non respectar o toque de queda, 13 por non usar máscara e unha proposta de sanción a un local que superaba a capacidade permitida e que podería ter que desembolsar 500 euros.
Por outra banda, destacan tres episodios relacionados con condutores baixo os efectos do alcol. Todos, ademais, incumprían o toque de queda, e unha delas triplicaba a taxa permitida.
