Un incendio declarado nun piso en Lugo, no que ardeu un sofá, saldouse con dúas persoas trasladadas ao presentar síntomas de intoxicación por inhalación de fume.
Segundo informou o 112 Galicia, este incendio orixinouse nunha vivenda dun inmoble situado na Rúa Chantada, en Lugo, sobre as 00,30 horas deste xoves.
Unha persoa particular alertou de que vía saír moito fume no patio de luces do edificio. A partir de aí, os xestores do CIAE 112 Galicia requiriron a intervención dos Bombeiros de Lugo, da Policía Local e de Urxencias Sanitarias de Galicia-061.
