Os servizos sanitarios de urxencia atenderon na mañá deste venres a un operario que sufriu unha descarga eléctrica cando traballaba nunha subestación de Fonmiñá, no municipio da Pastoriza (Lugo).
Segundo informou o 112 Galicia, foi un compañeiro quen, pouco antes do mediodía, alertou a través do servizo de emerxencias tras comprobar que a descarga deixara ao operario ferido sen fala.
Deste xeito, o persoal do Centro Integrado de Atención ás Emerxencias solicitou a intervención dos profesionais de Urxencias Sanitarias de Galicia-061, que mobilizaron dotacións por terra e aire ao desprazar o helicóptero medicalizado con base en Ourense.
Para colaborar co equipo médico, o 112 Galicia tamén informou os membros do GES da Pontenova e a axentes da Garda Civil.
