InicioLugo e contornaLugoUn policía local fóra de servizo segue a unha furtoneta sospeitosa e...

Un policía local fóra de servizo segue a unha furtoneta sospeitosa e frusta un roubo en Lugo

PUBLICADA O

- Advertisement -

Un axente da Policía Local de Lugo fóra de servizo perseguiu a unha furgoneta que levaba tapada a matrícula cun anaco de tea negra e conseguiu frustrar un roubo nunha vivenda na parroquia de Cuiña, na zona rural do municipio.

Sucedeu o pasado 26 de xullo, sobre as 15:00 horas, cando o axente, que estaba fóra de servizo, conducía o seu vehículo particular e cruzouse cunha furgoneta que levaba a matrícula tapada cun anaco de tea negra. Inmediatamente, deu a volta e púxose a seguila, ata que o condutor detívose nun camiño de terra, na zona de Cuiña.

Entón, deu aviso aos seus compañeiros da Policía Local, a través do 092, á vez que seguía vixiando os movementos do condutor da furgoneta, que seguía no interior do vehículo. Uns minutos máis tarde, o condutor baixouse da furgoneta e retirou a tea negra que tapaba a matrícula, pero ao decatarse da presenza dun home que o vixiaba, volveu subirse ao vehículo e iniciou a fume de carozo a marcha.

Con todo, antes de marcharse, parou ante unha das casas do barrio de Santiago de Saa e recolleu a outros dous individuos, que saíron correndo do interior da vivenda, para logo fuxir a toda velocidade do lugar.

Apenas un momento despois, presentáronse no lugar axentes uniformados que accederon ao interior da leira e comprobaron que as portas de dúas vivendas, unha de nova construción e outra máis antiga, foran forzadas. Na leira atopáronse tiradas diversas ferramentas, supostamente abandonadas polos ladróns ao ver frustrado o roubo.

A pesar de que o tres supostos ladróns lograron fuxir, o axente fóra de servizo logrou identificar ao condutor da furgoneta, pola súa implicación noutros casos que requiriran de intervención policial.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...