A Policía Local de Lugo sancionou a once persoas nesta cidade mentres que a súa homóloga da Coruña interpuxo infraccións a outro sete durante este sábado por desobedecer a orde de confinamento aprobada polo Real Decreto do Goberno central como consecuencia da crise sanitaria.
Este corpo de seguridade de Lugo realizou varios controis nas estradas durante a pasada xornada, neles interceptou 101 vehículos e 110 persoas foron identificadas. En total levantáronse 11 actas de infracción á Lei Orgánica de Protección da Seguridade Cidadá por “circular sen xustificación”, explicou a Policía Local nun comunicado.
Agora, estas persoas enfróntanse a unha multa que oscila entre os 601 e os 30.000 euros. Á mesma sanción enfróntanse o sete denunciados por desobediencia á autoridade que a Policía Local da Coruña interceptou en varios puntos da cidade herculina.
