A Policía local de Lugo denunciou que na pasada xornada se levantaron dez actas de infracción por vulnerar restricións derivadas do estado de alarma decretado por mor da crise sanitaria do coronavirus.

En concreto, estas infraccións contra a Lei Orgánica de Protección da Seguridade Cidadá poden levar aparellada unha sanción de entre 601 a 30.000 euros.

Este mércores, 18 de marzo, por parte de efectivos da Unidade Territorial de Policía de Barrio, fixáronse diferentes dispositivos fixos e móbiles nas vías públicas da cidade para comprobar e, no seu caso, impedir que leven a cabo actividades suspendidas, ademais de velar polo cumprimento das limitacións de circulación.