InicioSucesosDesarticulan un punto de venda de droga en Lugo tras deter un...

Desarticulan un punto de venda de droga en Lugo tras deter un mozo con antecedentes

A veciñanza do barrio de Albeiros queixárase da "constante trasfega de persoas e vehículos alleos ao barrio".

PUBLICADA O

- Advertisement -

Axentes da Policía Nacional detiveron un lucense de 27 anos con antecedentes por un delito contra a saúde pública e desmantelaron un punto de venda de drogas.

Segundo informou a Policía Nacional, o operativo iniciouse despois de recibir queixas por parte dos veciños de Albeiros sobre unha “constante trasfega de persoas e vehículos alleos ao barrio”. Así pois, púxose en marcha unha investigación para verificar os feitos. Xa dende o primeiro momento, os axentes detectaron a presenza do agora arrestado, vello coñecido das Forzas e Corpos de Seguridade pola vinculación anterior neste tipo de delitos.

No marco das vixilancias e demais dilixencias de investigación na zona, os axentes interviñeron 20 doses de haxix e dúas de cocaína, procedentes das vendas que os funcionarios actuantes poden observar e comprobar. Froito diso prodúcese á detención do individuo.

As mesmas fontes policiais destacaron que a detención se cumprimenta “con media ducia de actas de intervención de droga, provenientes das vendas”.

A Policía Nacional informou de todo iso á autoridade xudicial despois de tomar declaración ao detido, que quedou en liberdade.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...