A Policía Local de Lugo identificou a unha parella de mozas por marcharse dun establecemento sen pagar despois de insultar e ameazar a unha traballadora do local.

Segundo informaron fontes policiais, durante a xornada deste luns 12 de agosto membros da Unidade Territorial da Policía de Barrio acudiron a un establecemento da rúa Poeta Noriega Varela por un problema con dous clientes.

Unha vez no lugar, a empregada indicou aos axentes que unha parella, que xa se ausentou do lugar, despois de realizar varias consumicións, negouse a pagar. Ademais, denunciou que a muller, ademais de insultala e ameazala, a empuxara.

Coa descrición facilitada pola denunciante, os axentes organizaron un dispositivo de procura, que finalizou coa localización dos dous mozos e a súa identificación. As mozas recoñeceron que se ausentaron do local sen pagar, “simplemente porque non tiñan diñeiro“, destacaron as mesmas fontes policiais.