A Garda Civil ha imputado en calidade de investigada por un suposto delito de simulación de delito a unha veciña de Antas de Ulla, de 35 anos de idade, que é sospeitosa de presentar unha denuncia falsa polo suposto roubo dun teléfono móbil valorado en 1.100 euros.
Segundo informou o instituto armado nun comunicado, a persoa investigada presentouse en dependencias oficiais da Garda Civil o pasado mes de abril para denunciar que lle furtaron un móbil de alta gama. Por mor da denuncia iniciáronse as pescudas, pero os investigadores da Garda Civil reuniron probas para imputar á muller como investigada por simulación de delito.
A muller investigada, supostamente por presentar unha denuncia falsa, xa pasou a disposición do Xulgado de Primeira Instancia e Instrución de Chantada.
A PASTORIZA
Por outra banda, a Garda Civil imputou en calidade de investigada a unha muller de 41 anos de idade, veciña do municipio lucense da Pastoriza, como suposta autora do furto de xoias valoradas en 5.000 euros.
