InicioSucesosA investigación sinala a nai como presunta responsable da morte da nena...

A investigación sinala a nai como presunta responsable da morte da nena de 7 anos falecida na súa casa en Cospeito

PUBLICADA O

- Advertisement -

A xuíza do Xulgado Mixto número 1 de Vilalba decretou prisión provisional, comunicada e sen fianza, por un presunto delito de homicidio/asasinato, para a nai da nena de sete anos que foi achada morta no seu domicilio na localidade de Muimenta, en Cospeito (Lugo) o pasado 3 de maio.

Segundo informou o Tribunal Superior de Xustiza de Galicia, a xuíza trasladouse este xoves ao Hospital Universitario Lucus Augusti (HULA) de Lugo para tomar declaración, en calidade de investigada, á nai da nena.

A comitiva xudicial decidiu trasladarse ao hospital tendo en conta que a muller non recibiu a alta médica. No entanto, por parte dos facultativos que a tratan no módulo de psiquiatría valorouse que xa estaba en condicións de prestar declaración.

A muller, que estivo acompañada dun avogado nomeado pola investigada, acolleuse ao seu dereito a non prestar declaración.

A xuíza acordou prisión provisional, comunicada e sen fianza, por un presunto delito de homicidio/asasinato, segundo precisaron fontes do TSXG.

De momento, a muller permanecerá ingresada no módulo de custodia do hospital. Unha vez reciba a alta médica será ingresada no centro penal correspondente.

+ posts

ÚLTIMAS

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...

Frustrado un roubo nunha nave industrial en Lugo e detido un dos implicados

Axentes da Policía Nacional de Lugo detiveron un home como presunto autor dunha tentativa...

Detidas en Lugo unha nai e a súa filla por unha suposta agresión mutua

A Policía Local de Lugo detivo unha muller e a súa filla como presuntas...