O alcalde de Lugo, Miguel Fernández, anunciou que a nova comisaría da Policía Nacional, que se situará no barrio Abella, contará cun investimento de nove millóns de euros do Ministerio do Interior.
O Consello de Ministros aprobou este martes ese investimento que será executada no marco da segunda fase do Plan de Infraestruturas para a Seguridade do Estado (PLISE).
“A execución da nova sede policial na que traballamos de forma intensa co Goberno de España estes dous últimos anos está preto que nunca”, sinalou o rexedor.
Neste sentido, remarcou que a construción da comisaría será “un salto cualitativo” na prestación dos servizos de seguridade cidadá e na capacidade operativa das Forzas e Corpos de Seguridade do Estado.
“Agora, seguiremos traballando para que o inicio da obra póidase iniciar canto antes”, subliñou o alcalde de Lugo.
A nova comisaría será edificada nunha parcela cedida polo Concello cunha superficie de 3.175 metros cadrados. A maiores, incorporaron outra parcela de titularidade municipal de 80 metros cadrados, que permitirá incrementar a edificabilidade no proxecto en 120 metros cadrados e outra fronte á principal de 400 metros cadrados.
