Fiscalía solicita unha pena de catro anos de cárcere para un home ao que se xulgará o día 2 na Audiencia Provincial de Lugo por un delito contra a saúde pública. No escrito fiscal, sinálase que o acusado, o día 27 de xaneiro de 2024, sobre as 17.00 horas, “acudiu ao centro penal portando no peto do seu pantalón droga”.

En concreto, indica que eran tres porcións de resina de cannabis, de 21,385 gramos de peso en total, e dúas bolsiñas termoseladas con 0,321 gramos de heroína. Ditas sustancias, engade o Ministerio Público, estaban destinadas ao fillo do procesado, interno no centro penal de Monterroso.