InicioSociedadeA Audiencia de Lugo condena a dez anos de cárcere a un...

A Audiencia de Lugo condena a dez anos de cárcere a un home por violar á filla menor de idade dunha amiga

A sala considera probado que o día 15 de abril de 2023, o procesado, que estaba a pasar uns días no domicilio da súa amiga, que saíra a traballar, quedou na vivenda coa súa filla menor, de 14 anos, e dirixiuse á habitación na que estaba. Unha vez alí, segundo a sentenza, ofreceulle diñeiro, sen que o aceptase, polo que se foi, pero regresou uns minutos máis tarde e violouna.

PUBLICADA O

- Advertisement -

A sección segunda da Audiencia Provincial de Lugo condenou a dez anos de cárcere a un home por agredir sexualmente a unha menor de idade, filla dunha amiga. A sala considera probado que o día 15 de abril de 2023, o procesado, que estaba a pasar uns días no domicilio da súa amiga, que saíra a traballar, quedou na vivenda coa súa filla menor, de 14 anos, e dirixiuse á habitación na que estaba.

Unha vez alí, segundo a sentenza, ofreceulle diñeiro, sen que o aceptase, polo que se foi, pero regresou uns minutos máis tarde e violouna. Tras os feitos, o procesado abandonou o domicilio e a vítima comunicoullo á súa nai en canto chegou, e acudiron ao médico. “O procesado limítase a negar os feitos, pero o seu testemuño está claramente desmentido non só polo testemuño da menor, senón tamén polo resultado das probas xenéticas. A maiores, refire a nai da menor que cando conseguiu contactar con el, recoñeceu os feitos”, subliña a sala no fallo.

Ademais da pena de prisión, o tribunal impúxolle a prohibición de comunicarse coa vítima e de aproximarse a ela por un período de 15 anos, así como 10 anos de liberdade vixiada, unha vez sexa cumprida a pena de prisión. O tribunal tamén o inhabilitou para exercer profesión, oficio ou actividades que leven contacto regular e directo con menores de idade durante 15 anos e privouno da patria potestade ou inhabilitado para o exercicio dos dereitos da patria potestade, tutela ou curatela durante sete anos. Así mesmo, deberá de indemnizar á representante legal da menor con 10.000 euros por danos morais.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...