InicioSucesosCondenado a pagar 120.000 euros por quedar durmido e atropelar un condutor...

Condenado a pagar 120.000 euros por quedar durmido e atropelar un condutor na A-6

Os feitos sucederon sobre as 20,00 horas do 5 de abril de 2019, cando o condenado circulaba polo quilómetro 541 da A-6

PUBLICADA O

- Advertisement -

A Audiencia Provincial de Lugo confirmou a condena imposta a un home que en 2019 atropelou a un condutor que sufrira unha avaría e a outra persoa que o auxiliaba na A-6, despois de quedar durmido polo cansazo acumulado nunha viaxe de Málaga á Coruña.

Os feitos sucederon sobre as 20,00 horas do 5 de abril de 2019, cando o condenado circulaba polo quilómetro 541 da A-6. O home realizaba unha viaxe entre Málaga e A Coruña e, como consecuencia do cansazo e de non realizar os descansos necesarios, quedou durmido.

Nese momento, arroiou a un condutor que se atopaba na beiravía dado que o seu vehículo quedouse sen combustible, así como a outra persoa que se detivo para axudalo. O procesado non se deu conta de que os atropelou, recoñece a sentenza, se non que pensou que o vehículo golpeara con algún obxecto na estrada, polo que non se detivo ata unha gasolineira 30 quilómetros máis adiante.

No fallo, a Audiencia confirma a condena por dous delitos de lesións por imprudencia, e volve descartar o de denegación de auxilio, xa que considera que o home non parou porque non foi consciente do atropelo.

O que si varía é a indemnización, que fixa en algo menos de 120.000 euros. Tamén deberá pagar unha multa e ter o carné de conducir retirado durante 24 meses.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...