Comunidade Saharauí en Galiza presentou unha denuncia pola agresión sufrida por unha menor saharui durante unha manifestación en solidariedade con Palestina celebrada en Lugo o pasado domingo. Nun comunicado, afirman que o agresor, de nacionalidade marroquí, dirixiuse á menor por detrás para quitarlle a bandeira do Sahara que levaba suxeita na cabeza cunhas gomas.
O colectivo engade que o suposto agresor, que “atacou física e verbalmente a varias novas saharuis” ás que “insultou” con comentarios “machistas”, colgou o vídeo en redes sociais, onde foi “acirrado” polos seus seguidores. “Instamos as autoridades pertinentes a tomar medidas firmes para protexer á comunidade saharauí en Galicia e garantir o noso dereito a manifestarnos pacíficamente sen temor a represalias”, conclúe o colectivo o seu comunicado.
