InicioSociedadeSuspendido o xuízo contra dous caseiros acusados de ameazar cunha machada e...

Suspendido o xuízo contra dous caseiros acusados de ameazar cunha machada e unha barra de ferro a unha inquilina: “Vouche abrir en canle coma un cocho”

Os imputados, de 80 e 98 anos, comezaron entón a golpear a porta de entrada ao domicilio "cunha barra de ferro e unha machada" proferindo á inquilina unhas ameazas que figuran recollidas no escrito fiscal nos seguintes termos: "Vouche abrir en canle coma un cocho".

PUBLICADA O

- Advertisement -

O xuízo oral que debía acoller este luns o Xulgado do Penal número 2 de Lugo contra unha parella de caseiros acusados de ameazar presuntamente cunha machada e unha barra de ferro a unha inquilina que lles debía varias mensualidades foi suspendido por mor da folga de letrados da quenda de oficio.

Na vista, que deberá ser reprogramada, dirimirase a responsabilidade penal dos dous imputados, para quen a Fiscalía solicita unha pena de 20 meses de multa cunha cota diaria de seis euros (é dicir, uns 3.600 euros para cada un) por un presunto delito de coaccións. Os feitos tiveron lugar, de acordo ao recolleito no escrito de acusación, a tarde do 15 de setembro de 2020, cando os propietarios dun piso situado na capital lucense se personaron no inmoble no que vivía de aluguer unha muller (que lles debía varias mensualidades) para esixirlle que abandonase a vivenda.

Os imputados, de 80 e 98 anos, comezaron entón a golpear a porta de entrada ao domicilio “cunha barra de ferro e unha machada” proferindo á inquilina unhas ameazas que figuran recollidas no escrito fiscal nos seguintes termos: “Vouche abrir en canle coma un cocho”. Os feitos, que o Ministerio Fiscal considera constitutivos dun delito de coaccións e polos que solicita tamén a apertura dunha peza separada de responsabilidade civil, serán xulgados proximamente na sala de vistas do Xulgado do Penal número 2 de Lugo.

ÚLTIMAS

A irmá da muller asasinada en 2016 polo “mal funcionamento” da Casa da Muller de Lugo recorrerá ao TSXG

Martina Gómez Nieto, irmá da muller asasinada polo seu esposo no municipio de Becerreá...

Investigan a un menor de 14 anos que conducía un coche sen carné en Vilalba

Un menor de 14 anos foi interceptado en Vilalba conducindo un cuadriciclo lixeiro sen permiso...

Desaloxados os veciños dun edificio de Lugo tras rexistrarse un incendio nunha das vivendas

Os veciños dun edificio situado na rúa Sanxillao de Lugo tiveron que ser desaloxados...

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...