InicioSociedadeMedia Lugo está baixo a neve

Media Lugo está baixo a neve

A montaña de Lugo e Ourense é a que acumula máis neve, aínda que tamén hai noutras zonas de interior: a cidade da muralla amence cos tellados brancos

PUBLICADA O

- Advertisement -

A masa de aire frío (ártico marítimo) permanecerá sobre Galicia durante unhas 24 horas máis, o que propiciará que sigan os chuvascos de neve en cotas de entre 400 e 600 metros, aínda que estas irán subindo ao longo da xornada. Isto está a propiciar que boa parte da provincia, mesmo a capital, amencera cuberta de neve.

Diso informou o servizo de Meteogalicia, que traslada que o ceo estará parcialmente cuberto e haberá tamén chuvascos localmente fortes que poderían chegar acompañados de sarabia.

As temperaturas seguirán en descenso, máis acusado o día; e o vento soprará forte do noroeste no litoral e zonas de montaña, frouxo no interior pola mañá e aumentando a moderado pola tarde. O litoral galego segue en alerta laranxa, con ondas por encima dos 6 metros e vento forte do noroeste.

ZONAS NEVADAS

O descenso das temperaturas e a masa de aire frío xa deixou imaxes de neve nas últimas horas, sobre todo nas zonas de montaña de Lugo e Ourense. Aínda que tamén houbo acumulacións en zonas do interior do país, e a cidade de Lugo, por exemplo, espertouse cos tellados brancos.

DEPUTACIÓN DE LUGO

A Deputación de Lugo apuntou que manteñen cortadas as vías provinciais en varios puntos afectados polas inundacións nos concellos de Outeiro de Rei, Xermade, Cospeito, Castro de Rei e Begonte.

Nesta liña, mantense limitado o tráfico en ña LU-P-5004, en Quiroga, que sufriu un desprendemento da ladeira da montaña. Unha vez librada, levará a cabo unha avaliación técnica e económica dos danos.

Deste xeito, a Deputación indicou que se atopan traballando nas estradas 74 persoas. Así, contan cun total de 24 máquinas quitaneves, 11 ‘pick upcon’ saleiro, oito vehículos todoterreo de apoio e un medio mecanizado para mover as árbores derrubadas polo temporal.

MELLORA A SITUACIÓN NA ESTRADA

Así mesmo, a situación das estradas mellorou con respecto a esta mesma mañá. Segundo informou a Dirección Xeral de Tráfico (DXT) son catro os puntos da comunidade nos que se mantén o nivel amarelo, o que impide a circulación de camións e vehículos articulados.

Deste xeito, a A-6 atópase nesta situación entre os quilómetros 430 e 455, á altura de Becerreá, e entre os puntos 432 e 438 en Pedrafita do Cebreiro.

Tamén na provincia de Lugo está prohibido o paso de camións e articulados na LU-633, entre os quilómetros uno e 29. Mentres, en Ourense a estrada afectada por estas restricións é a N-25, á altura de Riós, entre os kilmetros 115

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...