InicioSociedadeA nova residencia en Navia de Suarna, un paso máis preto

A nova residencia en Navia de Suarna, un paso máis preto

O presidente provincial e o alcalde ratificarán este xoves o acordo no marco dunhas xornadas de portas abertas.

PUBLICADA O

- Advertisement -

O pleno da Deputación de Lugo aprobou este martes por unanimidade, co ‘si’ de PP, PSOE e BNG, o convenio específico entre o goberno provincial e o Concello de Navia de Suarna para a apertura do Centro de Atención a Maiores (CAM) do municipio.

Ademais, segundo informa a institución, o presidente provincial, José TomÉ, e o alcalde naviego, José Fernández, asinarán o acordo este xoves, cando a institución organice na residencia unha xornada de portas abertas para que a veciñanza a coñeza ante a súa próxima entrada en funcionamento.

O convenio é o ultimo trámite entre administracións que faltaba para poder abrir o CAM e supón un investimento de máis de tres millóns de euros ata 2025, tal e como explicou durante o pleno o deputado de Promoción Económica e Social, Pablo Rivera Capón. O seguinte paso da Deputación de cara á apertura da residencia de Navia será aprobar na xunta de goberno a licitación do contrato para as prestacións básicas.

No que vai de mandato, a institución provincial abriu catro novos centros de maiores –na Fonsagrada, Castroverde, Pedrafita do Cebreiro e Meira–, que se suman ao tres xa en marcha –en Trabada, Ribadeo e Pol–. Ademais, este ano abrirán os de Navia de Suarna e Ribas de Sil.

“É unha evidencia que superamos á Xunta de Galicia en número de residencias públicas na provincia de Lugo porque ten catro e nós, a día de hoxe, xestionamos sete centros”, reivindicou Rivera Capón.

CESIÓNS Á USC

Por outra banda, a Corporación provincial aprobou por unanimidade a ampliación ata 2058 da cesión á Universidade de Santiago de Compostela (USC) de oito parcelas de titularidade provincial por 200.570 metros cadrados para o funcionamento do Campus de Lugo.

Trátase de terreos ocupados por facultades, centros de investigación e outros servizos educativos, concretamente a Escola Politécnica Superior, o complexo docente de Relacións Laborais, Enfermaría e Humanidades e as superficies que ocupan a Facultade de ADE, a de Veterinario e a Biblioteca da Carballeira, entre outros.

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...