InicioSucesosDerrúbase parte dun viaduto en obras na A-6 entre León e Pedrafita

Derrúbase parte dun viaduto en obras na A-6 entre León e Pedrafita

Non houbo que lamentar desgrazas persoais.

PUBLICADA O

- Advertisement -

Un tramo dun cincuenta metros da ponte do Castro, entre a localidade leonesa do Castro e o municipio de Pedrafita do Cebreiro, derrubouse esta mañá, sen que houbese que lamentar desgrazas persoais.

O desprendemento afectou un tramo duns 50 metros entre dous alicerces do referido viaduto que desde hai case un ano está a ser obxecto de traballos de reparación, aínda que o outro viaduto provisto de dous carrís en dirección Madrid continúa aberto ao tráfico.

A alcaldesa de Vega de Valcarce (León), á que pertence O Castro, María Luisa González, en declaracións a Europa Press, felicitouse de que o accidente se saldase sen feridos e lembrou que “xa se sabía, polos técnicos, que os traballos de reparación neste viaduto non ían resultar fáciles, como así acabou hoxe a historia, debido á súa grave deterioración xa que soporta moita circulación”.

Ante o ocorrido, a rexedora confesa un certo temor. “Home, méteseche o medo no corpo, pero supoño que cando reparen a ponte quedará todo en perfectas condicións”, apuntou María Luisa González, quen confía en que unha vez concluídas as obras mellorará de forma notable a comunicación na zona, onde un dos viadutos permanece agora aberto e con respecto ao sinistrado o tráfico do Castro derívase pola antiga N-6.

Queremos que os traballos terminen canto antes porque As Lamas e O Castro non poden acceder pola N-6 cara a Pedrafita, antes si que o facían e agora teñen que baixar á Portela. Pero o que nos interesa é que os viadutos queden en perfectas condicións”, salientou a alcaldesa.

ÚLTIMAS

Traballadoras da limpeza dea Lugo protestan ante o Parlamento pedindo a mediación da Xunta

Traballadores do sector da limpeza de Lugo trasladaron a súa protesta este martes ás...

Xaneiro, a data para poñer en marcha os servizos do centro integral de Saúde en Lugo

O conselleiro de Sanidade Julio García Comesaña avanzou en sede parlamentaria a posta en...

Interceptan en Lugo a un home circulando sen permiso de condución

A Policía Local de Lugo interceptou este luns a un home que circulaba pola cidade e...

A Deputación de Lugo traslada á Plataforma Pro Residencia de Becerreá a súa “vontade” de abrir o centro canto antes

O deputado de Promoción Económica e Social, Pablo Rivera, reuniuse este luns no Pazo...