InicioSociedadeAs obras no firme da N-540, en Guntín, obrigarán a restrinxir o...

As obras no firme da N-540, en Guntín, obrigarán a restrinxir o tráfico desde o luns

O Ministerio de Transportes asegura que "se mellorará a seguridade viaria e a comodidade dos usuarios".

PUBLICADA O

- Advertisement -

O Ministerio de Transportes, Mobilidade e Axenda Urbana comunicou que o luns 2 de maio iniciará as obras de rehabilitación estrutural do firme da estrada de Guntín, entre os quilómetros 17,260 e 18,420 da N-540, que une Lugo e Ourense, nun trazado paralelo á autovía A-54.

Para poder levar a cabo a obra, avanzou que mentres duren os traballos se efectuará o corte dun carril e se dará paso alternativo polo carril contrario. Así, de luns a xoves a circulación verase restrinxida entre as 08,00 horas e as 20,00 horas, mentres que o venres será de 08,00 horas ata as 13,00 horas.

Nunha nota de prensa, o Ministerio explicou que os traballos se centrarán fundamentalmente na eliminación parcial e a reposición das capas do firme, “nun espesor variable en función das deterioracións observadas en cada tramo, incluíndo calzada beiravías e zonas de aparcadoiro”.

Así mesmo, efectuarase a reposición da sinalización horizontal mediante o repintado das marcas viarias existentes. Deste xeito, o Ministerio asegura que “se mellorará a seguridade viaria e a comodidade dos usuarios da N-540”.

Ademais, instalaranse carteis informativos nas glorietas dos quilómetros 13,500 e 18,600 da N-540, recomendando o desvío do tráfico pesado pola A-54.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...