InicioSociedadeLugo, a única provincia galega onde aumenta a gripe

Lugo, a única provincia galega onde aumenta a gripe

Este ano hai 52 consultas por 100.000 habitantes.

PUBLICADA O

- Advertisement -

Os ingresos de persoas con gripe confirmada ascenden en Galicia desde o inicio da tempada actual a 238, deles 26 ingresaron na semana 13 –que terminou o 3 de abril–, o que supón un descenso do 57% con respecto á anterior.

Así consta no terceiro informe publicado polo Servizo Galego de Saúde (Sergas) na tempada actual de gripe (2021-22) de ‘Vixilancia da gripe en Galicia’, recollido por Europa Press. No que vai de tempada, concreta o Sergas, só en cinco casos os enfermos con gripe hospitalizados necesitaron ingreso en UCI e oito persoas faleceron.

En canto á vixilancia baseada nos rexistros informatizados de gripe en Atención Primaria do Sergas mostrou unha “situación estable da intensidade da actividade gripal, que segue en nivel baixo, pese ao lixeiro descenso do valor da razón entre o número de persoas que consultaron casos por gripe e o número de médicos que as rexistraron”.

No informe sinálase que a taxa de consultas por gripe diminuíu en todas as provincias, especialmente na de Ourense, excepto na de Lugo, na que creceu ata situarse como a provincia coa taxa máis elevada –52 consultas por 100.000 habitantes–.

CERO A CATRO ANOS

Por grupos de idade, o Sergas apunta que en todos se observou un descenso na taxa de consultas por gripe, e mantense o grupo de cero a catro ano coa taxa máis elevada –52 consultas por 100.000 habitantes–.

En canto á vixilancia microbiolóxica, na semana 13 observouse por terceira consecutiva “un descenso da positividade das mostras estudadas para o virus do tipo A” que, matiza o Sergas, permanece no 2,5%.

Please wait while you are redirected...or Click Here if you do not want to wait.

ÚLTIMAS

Aviso amarelo por treboadas localmente fortes en toda a provincia este martes

Unha borrasca no oeste deixou choivas xeneralizadas nas horas centrais deste luns, con intensidade puntualmente...

Primeiros servizos ‘Intercity Express’ para reforzar as conexións directas A Coruña-Lugo-A Mariña

O Consello da Xunta aprobou este luns o proxecto de acordo polo que se autoriza a contratación...

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...