InicioSociedadeA veciñanza de Parga mobilízase pola reapertura do seu centro de saúde

A veciñanza de Parga mobilízase pola reapertura do seu centro de saúde

Leva pechado dende hai dous anos, e consideran que a "desculpa" da pandemia xa non serve para manter o servizo clausurado.

PUBLICADA O

- Advertisement -

Veciñanza de Parga, no municipio de Guitiriz, mobilizarase para reclamar que reabra o centro de saúde que leva pechado desde que se iniciou a pandemia pola Covid-19 hai case dous anos. Os veciños a través da Plataforma ‘Parga non se divide’ volverán protestar, como xa o fixeron cando pechou, porque argumentan que a caída de contaxios por Covid é xa unha “realidade” e non ten sentido manter pechada dita instalación e que teñan que desprazarse ao Punto de Atención Continuada (PAC) de Guitiriz.

Un dos portavoces deste colectivo, Alfonso Losada, avanzou que “pensan” en volver saír á rúa e lembra que “durante preto dun ano xa nos estivemos mobilizando”. “A situación de gravidade que había pola pandemia está decaendo. Todas as desculpas que nos deron para o peche médico eran derivadas da pandemia”, incidiu. Unha vez superado o “máis grave”, Losada ameazou con volver ás “mobilizacións” se finalmente o Sergas mantén esta situación de peche do centro de saúde.

No centro traballan dous médicos e unha ATS que vai dous días por semana, pero só “facer extraccións”. Nesta parroquia de Guitiriz hai censados sobre 1.700 veciños.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...