InicioLugo e contornaLugoA Xunta cualifica de "pioneira" a atención pediátrica diaria en Outeiro de...

A Xunta cualifica de “pioneira” a atención pediátrica diaria en Outeiro de Rei

A dotación chega logo de múltiples críticas polo desmantelamento da atención sanitaria no rural.

PUBLICADA O

- Advertisement -

O conselleiro de Sanidade, Julio García Comesaña, visitou este mércores o Concello de Outeiro de Rei para supervisar o inicio da prestación de atención pediátrica de maneira diaria no centro de saúde deste municipio. En concreto, o Sergas iniciará en Outeiro de Rei un “proxecto pioneiro” que se concreta na dotación dunha enfermeira especialista en enfermaría pediátrica, que estará dispoñible para as familias da localidade todos os días no seu centro de saúde.

Esta profesional realizará atención pediátrica como a supervisión periódica do neno san e complementará a atención prestada pola pediatra que se despraza a este centro un día á semana, un modelo que o conselleiro destacou como interesante para mellorar a atención pediátrica en “un territorio disperso” como o galego e en “un contexto de carencia de pediatras”, explicou a Xunta.

O goberno galego “foi pioneiro en España” na creación das categorías de enfermaría especialista nos campos de enfermaría familiar e comunitaria ou enfermaría pediátrica a través do Decreto 81/2016. Este decreto permitiu contar desde o ano 2018 cunha lista de contratación temporal deste persoal e convocar un concurso-oposición de 18 prazas desta especialidade de enfermaría no ano 2019, que deu lugar a que 18 destas especialistas conten xa con praza en propiedade.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...