InicioLugo e contornaLugoXubilados de Lugo en guerra contra os bancos: propoñen "un boicot" contra...

Xubilados de Lugo en guerra contra os bancos: propoñen “un boicot” contra os caixeiros

Trátase dunha "forma de protesta silenciosa, a ver se iso dá resultado e os bancos aos poucos van variando o seu criterio en canto ao tratamento cara ás persoas maiores".

PUBLICADA O

- Advertisement -

Xubilados de Lugo fixeron un chamamento este xoves a participar do “boicot” a realizar operacións con cartóns de crédito o sábado 5 de febreiro e o 5 de marzo.

O presidente da Asociación de Xubilados e Pensionistas de Lugo, Julio Méndez, anunciou que van “tentar” durante eses días que “a xente non utilice o seu cartón de crédito en ningún caixeiro”.

Méndez subliñou que se trata dunha “forma de protesta silenciosa, a ver se iso dá resultado e os bancos aos poucos van variando o seu criterio en canto ao tratamento cara ás persoas maiores”.

Tamén aproveitou para responder ao presidente de Abanca, Juan Carlos Escotet, quen subliñou que o “30 por cento” dos seus clientes son persoas “maiores”. “Escotet está no seu despacho e non ten nin idea do que ocorre nas oficinas. O seu criterio non é precisamente para definir a realidade do que ocorre cos clientes de Abanca e do resto de entidades”, queixouse.

Finalmente, volveu poñer o acento nos problemas que lles expón a “banca privada” en canto a horarios e tamén operacións que lles obrigan a facer a través de Internet.

“Se cadra nunha entidade determinada pode haber unha mellor atención, pero a tónica xeral é pór trabas á atención presencial dos clientes“, concluíu o presidente da asociación.

ÚLTIMAS

O sector da limpeza en Lugo critica a petición de adiamento da patronal para decidir se acepta a mediación

Traballadores do sector da limpeza en Lugo criticaron "unha nova mostra do "absoluto desinterese"...

Unha persoa resulta ferida nun choque entre un camión cisterna e un coche en Abadín

Un camión cisterna que transportaba leite chocou contra un coche e envorcou en Abadín....

A que se debeu a grande expansión do lume no incendio de Baleira?

Os incendios que cada ano asolan Galicia destrúen a nosa paisaxe, o noso patrimonio...

Unha residencia de Vilalba deberá readmitir a unha empregada despedida por reivindicar mellores condicións laborais

O Xulgado do Social número 1 de Lugo declarou nulo o despedimento dunha traballadora...