InicioSociedadeO alcalde de Xermade súmase ás críticas por falta de médicos no...

O alcalde de Xermade súmase ás críticas por falta de médicos no rural: “Antes había tres e agora un por días”

Critica que a veciñanza teña que desprazarse entre 15 e 20 quilómetros para acudir ao centro de saúde de Vilalba.

PUBLICADA O

- Advertisement -

O alcalde de Xermade, Roberto García, sumouse ás queixas que se repetiron no rural galego pola falta de médicos e este luns protestou porque, “ás veces”, os veciños atópanse con que non hai médico no centro de saúde deste concello, a pesar de que chegou a haber tres facultativos.

Este concello súmase a outros como Ribeira de Piquín, en que a presenza do médico “vai por días”, o que provoca que moitos veciños, neste caso, teñan que desprazarse a Vilalba. “Algún día non hai médico dispoñible e non hai servizo no centro de saúde de Xermade”, queixouse.

É algo “moi preocupante” porque se hai calquera urxencia “queda sen atender ou se desvía a Vilalba, pero ás veces o centro de Vilalba tampouco queren atender porque din que dependen da PAC de Xermade”. Roberto García deixou claro que “o problema é grave, antes había tres médicos e agora só hai un, aínda que ás veces nin sequera iso porque nin o hai”, obxectou.

“ALTERNANDO”

A continuación, precisou que “andan alternando, non hai un médico fixo e iso crea un problema para o veciño porque están adoitados a un médico e cámbiano”. “E o novo ten que estudar todo o historial do paciente e iso é tamén un problema en canto á atención médica”, agregou.

O alcalde de Xermade puntualizou que cando ven obrigados a desprazarse a Vilalba, desde algunha parroquia “poden facer entre 15 e 20 quilómetros”. Este concello da Terra Cha súmase a outros da provincia de Lugo onde se multiplican as queixas pola ausencia de médicos ou de persoal sanitario nos centros de saúde.

ÚLTIMAS

Morre un home tras ser rescatado inconsciente dun río en Chantada

Un home faleceu na tarde deste martes tras ser rescatado inconsciente no embarcadoiro de...

Así quedou restaurado o mural de Lugo por Palestina tras ser atacado

"O pasado domingo 14 rematouse de pintar un mural en apoio a Palestina e...

Dous homes investigados por pescar troitas con electricidade no río Rodil

A Garda Civil investiga a un veciño da Fonsagrada, de 72 anos, e a...

Detidos dous veciños de Lugo acusados de roubar 200 quilos de cobre nunha empresa

A Garda Civil detivo en Vilalba a dous veciños de Lugo acusados de roubar 200 quilos...