InicioSociedadeLugo, cidade libre de xoguetes sexistas

Lugo, cidade libre de xoguetes sexistas

A área de Muller e Igualdade do concello de Lugo fomenta na súa campaña para este Nadal os xoguetes e xogos non sexistas para os nenos e nenas.

PUBLICADA O

- Advertisement -

O Executivo de Lara Méndez, a través da área de Muller e Igualdade que dirixe Silvia Alonso, retoma un Nadal máis a súa campaña para fomentar os xogos e xoguetes non sexistas.

“O obxectivo é concienciar á cidadanía e promover a igualdade de oportunidades dende idades temperás para que as nenas e nenos poidan decidir sobre os xogos e xoguetes que máis lles gustan sen que a súa elección teña connotacións de xénero”, explicou a concelleira Silvia Alonso. A iniciativa, segundo indicou a edil, céntrase en apelar á responsabildade das familias á hora de escoller os regalos para as crianzas.

“A casa da Muller do Concello de Lugo editou a guía Xogamos pola Igualdade na que se recollen 10 claves a ter en conta para unha libre de prexuízos sexistas, que priorice xogos potenciadores de todo tipo de habilidades, que fomenten a igualdade e a comunicación entre nenos e nenas participantes e que propicien o xogo cooperativo e sen actitudes violentas”, referiu a responsable de Muller.

A Concellería levará a cabo accións de sensibilización e difundirá carteis e folletos cun código QR que dará acceso á devandita guía, tamén dispoñible na súa páxina web municipal.

XOGUETES, FERRAMENTAS DE APRENDIZAXE

“Sabemos que os xoguetes axudan á construción da identidade individual propia dos nenos e nenas e a desenvolver a súa autonomía, redundando no beneficio da poboación en xeral e, dado que eses xoguetes xeran expectativa de xénero, cremos que deben ser ferramentas coas que aprender“, afirmou Silvia Alonso.

“Somos conscientes de que nos últimos tempos fóronse eliminando estereotipos e aparecían imaxes onde pequenas realizaban tarefas socialmente recoñecidas como masculinas e viceversa. Andouse camiño pero aínda queda por facer, especialmente en datas sinaladas coma estas nas que os xoguetes cobran un protagonismo especial”, conclúe a concelleira de Muller e Igualdade, Silvia Alonso.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...