InicioSociedadeRubén Arroxo quere subvencionar con 200 euros as lápidas do cemiterio municipal...

Rubén Arroxo quere subvencionar con 200 euros as lápidas do cemiterio municipal que estean en galego

"Desde o goberno de Lugo continuamos realizando distintas campañas para promocionar o uso da lingua galega", di Rubén Arroxo.

PUBLICADA O

- Advertisement -

tenente de alcalde de Lugo, Rubén Arroxo, anunciou que o Concello estuda lanzar axudas de 200 euros para que as familias que o desexen poidan galeguizar as lápidas dos seus defuntos no cemiterio municipal. En concreto, o goberno local habilitará un fondo de 10.000 euros nos seus orzamentos para 2022.

Así o traslada o seu departamento este domingo despois de que esta semana tanto Arroxo como a concelleira de Participación, Cristina López, visitasen o camposanto nos días previos á celebración do 1 de novembro.

“Desde o goberno de Lugo continuamos realizando distintas campañas para promocionar o uso da lingua galega, neste caso no cemiterio municipal, para garantir que todas as familias que o desexen poidan ter as lápidas dos seus defuntos en galego“, explicou o tenente de alcalde.

Trátase dunha proposta que o goberno lucense recolle da Asociación de Funcionarios pola Normalización Lingüística, que este mesmo sábado presentaba a campaña ‘En galego, agora e sempre’ no cemiterio de Romea, en Lalín (Pontevedra).

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...