Na última xornada produciuse un repunte do número de hospitalizados pola covid-19 en Galicia con dez máis, até os 255, mentres continúa a baixada de casos e de contaxios, con 305, o que supón 87 menos que un día antes. Na área de Lugo, pola contra, seguen aumentando o número de casos polos gromos de Monforte e tamén a presión hospitalaria.

Segundo os datos do Servizo Galego de Saúde (Sergas) das 18 horas de onte domingo, 29 de agosto, hai 255 persoas ingresadas nos hospitais por esta enfermidade, das que 201 atópanse en unidades convencionais, once máis que no sábado, e 54 en UCI, unha menos. Pola contra, a cifra de persoas con infección activa segue en descenso e sitúase en 8.275, o que supón 332 menos. Os contaxios tamén descenden, con 305 fronte aos 392 do día anterior.

Por áreas sanitarias, o descenso de casos é xeneralizado, mesmo nas de Lugo e Santiago onde nos últimos días incrementouse a incidencia polos gromos en Monforte e Ordes. Así, Lugo só baixou cinco casos activos, ata os 1.457.

A cifra de PCR realizadas na comunidade ascende a 2.737.418, das que 4.342 corresponden á última xornada, e fixéronse 786.925 test de antíxenos e 1.095.062 doutras probas de detección.