A concelleira de Cultura, Turismo e Promoción da Lingua, Maite Ferreiro, anunciou que buscará o consenso da comisión de festas para decidir sobre a volta do recinto feiral de cara ao San Froilán 2021.
“Trátase dunha decisión importante para o desenvolvemento do San Froilán deste ano que queremos acordar con todos os grupos da corporación”, sinala nun comunicado a edil de Cultura.
“O San Froilán do ano pasado foi un exemplo de como levar a cultura ás rúas nun momento complicado da pandemia”, explicou a edil, que afirmou este ano traballan con distintos formatos.
“Para poder levar adiante esta edición do San Froilán segundo vaia avanzando a situación sanitaria, co obxectivo de garantir en todo momento o cumprimento das medidas de prevención, mantendo viva a gran festa do outono galego”, recalca.
Respecto diso, avanza que a reunión da comisión de festas realizarase á volta do verán. A comisión de festas está composta por oito integrantes, tres do grupo municipal socialista, dous do Popular; dous do BNG e un en representación de Ciudadanos, ademais do xefe de Servizo de Cultura, que actúa como secretario da Comisión.
