Os contaxios de Covid-19 volveron a repuntar por encima do milleiro en Galicia tras dúas xornadas por baixo ata os 1.041 despois de dúas semanas por encima desa barreira, mentres que os casos activos mantéñense en descenso e sitúanse en 18.622. Pola súa banda, a taxa de positividade disparouse a un 15% e os pacientes hospitalizados por este coronavirus mantéñense en 303.

Segundo os datos actualizados na mañá deste mércores pola Consellería de Sanidade con rexistros de ata as 18,00 horas do martes, recollidos por Europa Press, a presión hospitalaria descende en Lugo, que segue con catro pacientes en UCI e reduce a 33 os doutras unidades –seis menos–.

MENOS CASOS ACTIVOS

Tamén os casos activos de Covid-19 seguen en descenso por terceira xornada consecutiva en Galicia e baixan a 18.622, que representan 149 menos que o día pasado ao haber de novo máis altas (1.186) que contaxios (1.041), ao que se suman cinco falecementos. Con respecto a hai unha semana, hai 87 infeccións activas máis que as 18.535 rexistradas o mércores 28 de xullo, tras máis dun mes en ascenso continuo ata este pasado sábado.

Por áreas sanitarias, os casos activos descenden en 19 en Lugo que mantén 2.212.

REPUNTAN OS CONTAXIOS

Pola contra, o novos contaxios repuntan por encima do milleiro ao chegar ao ecuador da primeira semana de agosto, que rexistrou durante os dúas primeiras xornadas menos de mil, e alcanzan os 1.041, o que implica 204 máis que o día pasado.

En Galicia foron confirmados 1.074 positivos por Probas Diagnósticas de Infección Activa (PDIA) no último día, que implican 196 máis que o día anterior, dos cales 78 corresponden á área de Lugo.