A morte dun home de 61 anos diagnosticado con covid-19 en Lugo eleva a 2.437 os falecidos asociados á pandemia en Galicia.

Segundo comunicaron este venres as autoridades sanitarias galegas, o falecido no Hospital Lucus Augusti da capital luguesa carecía de patoloxías previas.

O deceso produciuse na xornada do xoves 1 de xullo. Trátase do primeiro da semana, posto que o falecemento dun home de 47 anos comunicado o luns rexistrouse na xornada anterior.

Con esta son xa 2.437 as persoas falecidas vinculadas á pandemia en Galicia desde marzo de 2020.