InicioSociedadeSoben os casos na área sanitaria de Lugo, mentres baixan en Galicia

Soben os casos na área sanitaria de Lugo, mentres baixan en Galicia

A situación hospitalaria mantense sen cambios.

PUBLICADA O

- Advertisement -

A situación epidemiolóxica en Galicia segue coa tendencia descendente en novos contaxios, con 89 no conxunto de Galicia así como en casos activos de Covid-19, que caen a 2.553, mentres que os pacientes hospitalizados debido a este coronavirus redúcense a 140, catro menos. Unha situación que é diferente na provincia de Lugo.

Segundo as cifras actualizadas na mañá deste martes pola Consellería de Sanidade con datos ata as 18,00 horas deste luns, recollidos por Europa Press, os pacientes Covid ingresados en UCI en Galicia descenden a 31 –un menos– e os que permanecen noutras unidades de hospitalización redúcense a 109 –tres menos–.

Por áreas sanitarias, a presión hospitalaria manténse en Lugo onde segue un en críticos e 10 noutras unidades.

CASOS ACTIVOS EN DESCENSO

En canto aos casos activos de Covid-19 no conxunto de Galicia continúan en descenso por terceira xornada consecutiva e sitúanse en 2.553, que supoñen 71 menos que o día anterior, ao haber máis altas (160) que novos contaxios (89). Por áreas sanitarias, as infeccións activas ascenden lixeiramente nas de Lugo (+1), onde os casos activos soben a 228.

MENOS DE 100 CONTAXIOS

Pola súa banda, os novos contaxios detectados por calquera tipo de proba en Galicia descenderon por baixo do centenar ata os 89, que supoñen 34 menos que a xornada anterior, tras iniciar esta semana con 123. Do total, 75 foron positivos confirmados por PCR nas últimas 24 horas, deles13 na de Lugo.

En canto á taxa de positividade, mantense por baixo do 2% desde o inicio desta semana, ao situarse nun 1,39% despois de reducirse ao 1,26% o día anterior. Así, continúa por baixo do 5% que a Organización Mundial da Saúde (OMS) fixa para dar por controlada a pandemia. A última vez que Galicia excedeu esta barreira foi o 15 de febreiro.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...