A área sanitaria de Lugo rexistra este mércores 28 de abril un total de 215 casos activos, once máis ca na xornada anterior, o que supón un aumento considerable logo de varias xornadas de estabilización desta cifra. Nas últimas 24 horas confirmáronse 17 positivos novos a través de PCR.

En cambio, mellora un chisco a situación nos hospitais, con 15 persoas ingresadas (-1): catro na Uci do Hula e once en planta (cinco no Hula, un na Mariña e cinco en Monforte).

Dende o inicio da pandemia, o Sergas notificou o falecemento de 213 persoas diagnosticadas con Covid-19 na provincia de Lugo. Curáronse 11.974 pacientes e practicáronse 222.962 probas PCR.

GALICIA

A nivel galego, os novos contaxios detectados na última xornada aumentaron a 196, mentres que a presión hospitalaria aliviouse ao descender en 13 os pacientes ingresados por este coronavirus ata os 207. Os casos activos aumentaron lixeiramente de novo a 3.048. Podes ler a información completa no Galicia Confidencial.