InicioSociedadePreocupación na Montaña pola praga de ratas: "Nalgún prado vese máis terra...

Preocupación na Montaña pola praga de ratas: “Nalgún prado vese máis terra ca herba”

Co remate do inverno, os prados vólvense inzar de toupiñeiras ata o punto de que hai unhas 2.000 hectáreas afectadas, segundo Unións Agrarias.

PUBLICADA O

- Advertisement -

EFE | A chegada da primavera trae canda si o final do letargo invernal da coñecida como rata-toupa, o que se traduce en cuantiosos danos nos pastos de varios municipios da Montaña de Lugo, co consecuente prexuízo económico para os propietarios das explotacións agropecuarias da zona, que ven con moita “preocupación” o que está a suceder.

O secretario de Organización do sindicato Unións Agrarias (UUAA) na comarca dos Ancares, Iván Raposo, confirmou que a presenza desta especie afecta xa “unhas 2.000 hectáreas de terreo” e “ven toupiñeiras por todas as esquinas”, ademais de ser moi evidentes os seus efectos nos prados que as explotacións gandeiras da zona usan para alimentar as súas reses.

Pasado o inverno, precisou, “esta especie actívase e os danos son moi evidentes”, porque “os prados están totalmente minados” e nalgúns “vese máis terra que herba para o gando”. Nas zonas altas, ao “retirarse a neve”, dixo Raposo, os efectos son máis que obvios, “porque as galerías están practicamente na superficie”, de modo que algúns pastos están “totalmente esnaquizados”.

Esa situación “preocupa moito” aos gandeiros, porque van sacar dos prados “moita menos forraxe da que esperaban” e, ademais, a que consigan “será de menor calidade”.

Neste momento, precisou, os municipios máis afectados pola incidencia desta especie son Triacastela e Pedrafita do Cebreiro, aínda que tamén algunhas zonas altas de Cervantes e As Nogais e, en menor medida, nalgúns lugares de Becerreá.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...