O Sergas informa este xoves 18 de xaneiro dun total de 205 casos activos por coronavirus na área sanitaria de Lugo, cinco menos ca os que notificaba na xornada de onte. Fréase, así, a tendencia á alza que sufrira a provincia nos dous últimos días. Ademais, o número de novos positivos detectados a través de PCR nas últimas 24 horas é de 8.
Do mesmo xeitos, os hospitais tamén minguan a súa presión asistencial, con 20 persoas hospitalizadas con Covid-19 (tres menos): 15 delas están en unidades de hospitalización (9 no Hula, 2 na Mariña, outras 3 en Monforte, 1 no Polusa) e 5 nas unidades de críticos.
Dende o inicio da pandemia faleceron en Lugo 210 persoas que foran diagnosticadas co virus, curáronse 11.485 e realizáronse 198.567 probas PCR.
GALICIA
Pola súa parte, Galicia tamén experimentou un novo alivio da presión hospitalaria ao reducirse a 271 os pacientes Covid ingresados, o que implica 22 menos que a xornada anterior, e unha caída dos casos activos ata os 2.586 ás portas da ponte de San Xosé, no que a Comunidade galega seguirá con peche perimetral. Podes ler a información completa no Galicia Confidencial.