A ponte de San Xosé arrincará este venres coa apertura da hostalaría ata as 21 horas de forma xeneralizada en toda Galicia, aínda que haberá diferentes niveis de capacidade en interior e terraza segundo a situación epidemiolóxica de cada concello. Entre as novas medidas que entran en vigor o venres, e que serán revisadas antes dos festivos de Semana Santa, tamén está a prohibición de reunión de non conviventes nos domicilios particulares.