O Xulgado de Instrución nº2 de Monforte de Lemos admitiu a trámite unha querela por presunto delito de neglixencia médica contra Geriatros e DomusVi, e contra catro persoas físicas, entre elas a directora xeral do grupo xeriátrico, Josefina Fernández, e dous altos cargos da Xunta de Galicia.
A denuncia relata que unha das usuarias do centro, Carmen B.G., tivo que ser tratada hospitalariamente de varias úlceras polo malo trato dispensado no centro, así como por “desnutrición severa e infección de orina en apenas dous meses” que estivo ingresada.
“Carmen, que entrou na residencia polo seu propio pé, perdeu totalmente a mobilidade, sufríu un gran deterioro cognitivo, e rematou no hospital en estado crítico con desnutrición severa e úlceras necróticas do grao IV do tamaño dunha pelota de tenis”, recolle o escrito remitido por Rede, entidade de defensa dos pacientes de residencias.
Please wait while you are redirected...or Click Here if you do not want to wait.
