InicioSociedadeA residencia de Meira empezará a funcionar de cara ao verán

A residencia de Meira empezará a funcionar de cara ao verán

A xunta de goberno provincial aprobou a licitación do equipamento. O centro de maiores de Pedrafita abrirase, previsiblemente, na primavera.

PUBLICADA O

- Advertisement -

O presidente da Deputación de Lugo, José Tomé, anunciou que a residencia de maiores de Meira estará operativa no primeiro semestre do ano, e a de Pedrafita do Cebreiro “entre abril e maio”.

Tras a xunta de goberno deste venres, Tomé avanzou que se aprobou “a licitación do contrato para dotar de equipamento ao centro de atención a persoas maiores do concello de Meira por case 300.000 euros (298.897,50) e ten un prazo de entrega de dous meses”.

EQUIPAMENTO

O contrato divídese en cinco lotes. O primeiro deles, e polo que se consigna a maior partida (160 mil euros), “é para o mobiliario en xeral”. Contémplanse “30 camas eléctricas articuladas” cunha “novidade importante” que ten que ver co tamaño: “nas residencias que están a funcionar e funcionan ben eran de 90 centímetros, pero para persoas con problemas de mobilidade estaría mellor camas de 1,05 metros, o que permite un maior descanso”. “Estas camas serán de 1,05 no canto de 90″, pormenorizou.

Tamén se apresurou en deixar claro que “neste contrato prevese unha posible ampliación de compra de materiais para poder aumentar o número de prazas desta residencia e pasar de 30 coas que empezará a funcionar a 38 de capacidade”.

Co equipamento, Tomé aseverou que se “dá un paso importante para cumprir esa previsión de abrir o centro de Meira no primeiro semestre do presente ano”. “En todo caso, se non pode ser no mes de xuño, de cara ao verán si que estará aberta esta residencia”, comprometeu.

Seguidamente, o presidente provincial tamén indicou que “se aprobou o plan de seguridade e saúde para acometer obras de acondicionamento necesarias e así poder abrir o centro de Pedrafita do Cebreiro, que é un centro que está dotado, e a nosa previsión é que posiblemente no mes de abril ou maio estea a funcionar. En todo caso na primavera”.

MÁSCARAS

Na mesma xunta de goberno acordouse a “compra de 170.000 máscaras FFP2 para a protección fronte á Covid-19 do persoal da Deputación de Lugo, por un importe ao redor dos 60.000 euros”.

“Esta compra forma parte das medidas que tomamos desde a Deputación de Lugo, desde o inicio da crise sanitaria, para extremar a precaución e a prevención e protexer así aos traballadores e traballadoras nos seus postos de traballo”, destacou finalmente José Tomé.

ÚLTIMAS

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...

O loteiro lucense detido polo atraco ao seu propio negocio queda en liberdade

O loteiro lucense detido o martes pola súa presunta implicación no atraco perpetrado contra a súa propia...

O Concello adianta dúas horas o peche das discotecas, ás 4,00 horas

O goberno municipal de Lugo adiantou dúas horas, das 6,00 ás 4,00 horas, o...