InicioSociedadeA Semana Santa de Lugo reinventarase para evitar actos multitudinarios

A Semana Santa de Lugo reinventarase para evitar actos multitudinarios

A Xunta de Confrarías busca a máxima seguridade na celebración deste evento.

PUBLICADA O

- Advertisement -

EFE | O presidente da Xunta de Confrarías da Semana Santa de Lugo, Ramón Basanta, confirmou que “todo acto multitudinario” relacionado con esta celebración “está suspendido”, como consecuencia da situación sanitaria. Aínda así, séguese traballando na elaboración dun programa que respecte “escrupulosamente” as normas de seguridade.

Basanta aclarou que, como “como consecuencia de todo o que está a suceder”, baixo ningún concepto “se vai a poñer en risco a saúde de ninguén”, de modo que os actos relacionados coa Semana Santa de Lugo, que foi declarada de Interese Turístico Galego pola Xunta de Galicia, organizaranse baixo a premisa da máxima seguridade.

“A idea na que estamos a traballar consiste en facer algún acto cada día da semana relacionado coa imaxe á que lle tocaría procesionar. Coa colocación de adornos florais, mesmo con música sacra, pero sempre sendo moi escrupulosos coas medidas de seguridade e o aforo”, precisou.

En canto aos actos máis vistosos desta celebración, como pode ser a Bendición de Ramos ou as celebracións do Xoves e do Venres Santo, Basanta precisou que a Xunta aínda está a traballar para organizar unha celebración “un pouco máis especial”, coa intención de “ter presenza”, pero “sempre sendo escrupulosos coas medidas de seguridade”.

ÚLTIMAS

A Audiencia de Lugo absolve a unha muller e a súa filla acusadas de estafar á avoa para que lles dese diñeiro

A Audiencia Provincial de Lugo absolveu a dúas mulleres, nai e filla, que estaban...

Besteiro urxe á Xunta que poña o foco na saúde mental da provincia de Lugo, onde hai “dous suicidios á semana” de media

O secretario xeral do PSdeG, José Ramón Gómez Besteiro, advertiu este xoves en Lugo da...

O goberno de Lugo reclama ao presidente da Xunta máis investimentos que os anunciadas o luns tras o Consello

A portavoz do PSOE no goberno local de Lugo, Ana González Abelleira, volveu a...

Panadeiros piden “un convenio moderno e con garantías para o sector” na provincia

Un grupo de panadeiros, en representación dos 1.500 que hai na provincia de Lugo,...