EFE | O Consorcio Provincial de Lugo para Prestación do Servizo contra Incendios e Salvamento informou de que os 117 profesionais que traballan nos seis parques comarcais de bombeiros que xestiona esta entidade están a recibir a primeira dose da vacina contra a covid-19.
Segundo a información facilitada polo propio consorcio, formado pola Deputación de Lugo e a Xunta, todos os profesionais que integran o persoal dos seis parques de bombeiros da provincia comezaron onte a recibir a primeira dose da vacina, cuxa aplicación está previsto que termine mañá nos hospitais de referencia de cada comarca -entre os días 1 e 3 marzo-.
A previsión é que reciban a segunda dose da vacina nun prazo de doce semanas, de modo que o proceso de inmunización do persoal quedará completado durante o mes de maio.
O Consorcio Provincial de Lugo para Prestación do Servizo contra Incendios e Salvamento inclúe os parques de Monforte de Lemos, Barreiros, Chantada, Vilalba, Sarria e Viveiro.
