InicioSociedadeMáis de 10.300 lucenses xa recibiron as dúas doses da vacina

Máis de 10.300 lucenses xa recibiron as dúas doses da vacina

Case 4.000 estudantes do Campus de Lugo serán citados a principios da semana que vén para un cribado con tests de antíxenos.

PUBLICADA O

- Advertisement -

O Servizo Galego de Saúde (Sergas) continúa co proceso de vacinación na área sanitaria de Lugo – A Mariña – Monforte, onde ata o día de onte se puxeron 31.952 doses. Deste total, 20.620 foron aplicadas en 10.310 persoas que xa recibiron as dúas doses e, polo tanto, están completamente vacinadas.

O xerente da área sanitaria, Ramón Ares, explicou que o Sergas segue inmerso na campaña de vacinación, un proceso “que se está realizando de maneira áxil e sen ningunha incidencia destacable”.

Lembrou que a campaña arrincou a finais de ano nas residencias de maiores. Usuarios e traballadores sociosanitarios foron os primeiros en ser vacinados, seguidos de profesionais sanitarios. Agora o Sergas céntrase no colectivo de docentes, que están a ser citados nos tres hospitais públicos, e nas persoas maiores de 80 anoscuxa vacinación se desenvolve nos centros de saúde das cabeceiras de comarca.

Segundo datos de Ramón Ares, estanse aplicando máis de 800 doses diarias de media a maiores de 80 anos na provincia de Lugo. “O ritmo de vacinación vai vir dado polo número de vacinas que teñamos dispoñibles”, avanzou.

CRIBADO UNIVERSITARIO

Por outra banda, o xerente da área sanitaria tamén anunciou que a comezos da semana que vén se realizará o cribado universitario a estudantes da Universidade de Santiago de Compostela no Campus de Lugo. Son case 4.000 alumnas e alumnos que serán citados vía SMS para realizar un test de antíxenos.

Cadrando co inicio das clases presenciais, “o obxectivo é detectar posibles positivos asintomáticos para evitar as cadeas de transmisión”. As probas efectuaranse na Facultade de Veterinaria os vindeiros luns e martes, en horario de mañá e de tarde. Ata alí desprazaranse sete equipos de vacinación que tomarán as mostras e farán o rexistro in situ.

ÚLTIMAS

O Concello dá luz verde á remodelación do Anxo Carro e adxudica 22 postos na Praza de Abastos

O Concello de Lugo aprobou na xunta de goberno local a licenza urbanística que...

Permanecen na UCI o condutor e os dous menores feridos o accidente de Xermade no que morreu unha muller

O condutor do vehículo accidentado este luns no municipio lucense de Xermade, no que...

Os veciños que pelexaron por un cabalo en Xermade pactan antes do xuízo e ningún irá ao cárcere

Os dous veciños da localidade lucense Xermade que se encerellaron nunha violenta pelexa por un...

Policías e gardas civís de Galicia concéntranse en Lugo contra o “abandono” do Ministerio do Interior

Un grupo de policías e gardas civís de Galicia manifestáronse este martes diante da...