A área sanitaria de Lugo rexistra este xoves 25 de febreiro unha importante baixada na presión asistencial: dos 53 ingresados de onte aos 40 de hoxe. Na Uci permanecen trece pacientes (-3), mentres que hai outros 27 en planta (-10). Destes últimos, 21 están a ser atendidos no Hospital Universitario Lucus Augusti (HULA), tres no Hospital da Mariña, dous no de Monforte e un no Polusa.
O coronavirus tamén segue a súa tendencia á baixa no que respecta a casos activos na provincia, 702 (-40), e novos diagnósticos, 22 na última xornada. Nas últimas 24 horas déronse 77 altas e fixéronse 980 probas PCR. Dende o inicio da pandemia, curáronse 10.741 persoas e realizáronse 185.060 PCR.
Pola súa parte, a cifra de falecidos dende o inicio da pandemia alcanza as 202 vítimas en Lugo segundo datos do Sergas, se ben é certo que o total podería ser superior ao sumar aqueles usuarios de residencias lucenses que finaron en centros doutras áreas sanitarias.
GALICIA
En Galicia, os pacientes con Covid-19 hospitalizados seguen en descenso, con 48 menos, ata os 586, deles 121 en UCI –doce menos–. Tamén se mantén a tendencia descendente nos casos activos de coronavirus, que se sitúan en 6.772 unha xornada antes de que se inicie a desescalada progresiva co alivio de medidas na Comunidade galega. Podes ler a información completa no Galicia Confidencial.
