InicioSociedadeSeguen a reducirse os casos activos en Lugo, pero non as hospitalizacións

Seguen a reducirse os casos activos en Lugo, pero non as hospitalizacións

Dos 64 pacientes ingresados, hai 21 que aínda permanecen na Uci do HULA.

PUBLICADA O

- Advertisement -

A área sanitaria de Lugo, A Mariña e Monforte mantén a tendencia á baixa nos casos activos por coronavirus, que este luns se sitúan nos 795 (43 menos ca onte). O número de contaxios confirmados nas últimas 24 horas a través de PCR foi de 36, o que supón unha cifra lixeiramente superior ás notificadas na fin da semana.

Malia a boa aparencia da curva de positivos na provincia, a situación nos hospitais non mellora ao mesmo ritmo. O Sergas rexistra 64 persoas ingresadas (as mesmas ca onte), das cales 43 permanecen en planta (29 no HULA, 6 no Hospital da Mariña, 6 en Monforte e 2 no Polusa) e 21 nas Unidades de Coidados Intensivos.

O total de persoas que superaron a enfermidade é de 10.561 dende o inicio da pandemia, e o cómputo de falecidos é de 198, segundo datos do Sergas. Ademais, realizáronse 182.425 PCR.

GALICIA

No conxunto galego tamén continúa a remisión da terceira onda de forma sostida, tanto en casos activos como en novos positivos e hospitalizacións. Non obstante, o número de ingresados na Uci (146) aínda triplica practicamente aos que había xusto antes do inicio do Nadal. Podes ler a información completa no Galicia Confidencial.

ÚLTIMAS

A alcaldesa de Lugo avoga por que a esquerda “axunte esforzos” na súa provincia para evitar “voto inútil”

A alcaldesa de Lugo, Lara Méndez, considera que a esquerda "debe axuntar esforzos", tamén na...

A provincia de Lugo desprega 112 operarios e 64 máquinas para garantir a seguridade viaria este inverno

O presidente da Deputación de Lugo, José Tomé Roca, presentou o plan de viabilidade invernal para...

Convocan as primeiras xornadas de Saúde Mental en Lugo, a provincia co maior número de suicidios en España

A asociación de voluntariado autonómica Stop Suicidio Lugo anunciou este venres a celebración das...

Brendan Shine, un inglés do Corgo que presenta o seu primeiro libro

Brendan Shine é un músico, cantante e deportista que leva anos asentado no Corgo...